Tuesday, October 23, 2012

බූලියන් ඇල්ජී(බ්‍රා) උගන්වා කෙළවා ගතිමි

ලියන්න හිතන් උන්නු ලිපිය ලියන එක පැත්තක දාලා ගුරාට සිද්ධවුනා බූලියන් ඇල්ජී(බ්‍රා) යන නමෙන් හදිසි ලියුං කෑල්ලක් දාන්න. මේකත් ගුරාට උන අස්පට් එකක්.

හෙඩින් එක දැක්ක ගමන්ම ඇම්ඩන් ටයිප් එකේ උන්ටනම් ක්ලික් වෙන්න ඇති මොකක් ගැනද මේ කියන්න යන්නේ කියලා. වෙච්චිදේ පිලිවලටම කියන්නම් වැඩි රසබර ආටෝප නොදාම.

මේ කේස් එක උනේ මම අයිටී ගුරුකං කරන්න යන කිරිබත්ගොඩ පිහිටි ආයතනයකදියි. 10 වසර පන්තියේ ළමයි 15ක් විතර ඉන්නවා. ඒකෙනුත් කෙල්ලො තමයි වැඩිම දෙනෙක්. කොල්ලො ටික කෙල්ලො වගේ කටවහන් පාඩුවේ ඉන්න පංතියක් මේක. හැබැයි ඒ ඔක්කෝටම හරියන්නත් එක්ක කෙල්ලෝ දෙන්නක් ඉන්නවා. උන් දෙන්නට තියෙන්නේ කටවල් නෙමේ ටකරං. කොල්ලෝ ටික ඉස්සරහ පේලිවල ඉන්න පුරුදුවෙලා තිබ්බ හින්දා මුන්‍ දෙන්නා හැමදාම ඉන්නේ අන්තිම පේලියේ.  (උන් දෙන්නා මේ බ්ලොග් බලනවා තියා මෙහෙම ඒවා තියෙනවද කියලවත් දන්නෑ.)

පන්තියට සුපුරුදු විදිහට පාඩම් උගන්න අතරේ එදාට නියමිතව තිබූ බූලියන් ඇල්ජීබ්‍රා පාඩම මම පටන් ගත්තා. හැමෝම හරිම  උනන්දුවෙන් මේ අලුත් පාඩම අහගෙන ඉන්නවා. ඒත් අර ගෑණු ළමයි දෙන්නා ටිකක් වෙනස්. තනියම හිනාවෙනවා, මූණට මූණ බලන් චාටර් එකට වගේ හිනා වෙනවා, මේස ලෑල්ලේ කුරුටු ගානවා එක එක වැඩ ‍කරනවා මිසක් මුන් දෙන්නා පාඩම අහන් ඉන්නෑ කියලා මට තේරුණා.

ටික වෙලාවක් යද්දී තමයි මට මීටර්වුනේ ඇල්ජීබ්‍රා කියද්දී මුන් දෙන්නා හිනාවෙනවා කියලා. දෙන්නම් බොලාට වැඩේ කියල හිතාගෙන මමත් පුලුවන් තරම් ඇල්ජීබ්‍රා කියන වචනෙම කියෙව්වා. දැන් ඩබලටම හෙන ආතල්. මට මේක තේරුණේ නෑ කියල හිතාගෙන මුන් තව තවත් හිනාවෙනවා. අනේ ‍අපොයි අපේ කොල්ලො 5 දෙනානම් මෙලෝ දෙයක් තේරිලා නැතුව උන්ගේ පාඩුවේ පාඩම අහන් ඉන්නවා.

"ඇයි මම වැරදි වචනයක් කිව්වද?" කියලා මම පංතියේ පිටිපස්ස දිහා බලලා ඇහුවා. 
"නෑ සර්" පැනපු ගමන් අර දෙන්නගෙන් කෙනෙක් කිව්වා. "එහෙනම් සද්ද කරන්නැතුව පාඩම අහගන්න" මම ටිකක් කේන්ති ගිය බව පෙන්නලා තදින් කිව්වා.

පැය බාගයක් විතර මේ විදිහට පංතිය කරගෙන ගියා. පොඩි ප්‍රශ්නයක් හදන්න දීල මම ගියා පිටි පස්ස පේලියට පැත්තට. මම එනවා දැක්ක ගමන් දෙන්නාම ගාන හදන්න පටන් ගත්තා. 

"හරි හිටපල්ලකො ඔහොම" කියල හිතාගෙන මම පංතිය වටේ රවුමක් ඇවිදින්න ගත්තා. මම එතනින් අහකට වෙලා ටිකක් දුරට ගිහින් අන්තිම පේලිය දිහා එකපාරටම හැරිලා බැලුවා. එක පාරටම A4 කොලයක් උන්ඩි කරලා ඉස්සරහ පේලියේ ගෑණු ළමයි අතට දෙනවා මම දැක්කා. ඒක නොදැක්ක ගානට මම පංතිය වටේ ගිහින් ගුරු මේසෙ හා ගුරු පුටුව කියල කෝකටත් තෛලෙ වගේ තිබුණු දම්රෝ ප්ලාස්ටික් පුටුවෙ වාඩිවුනා.

අර A4 කොලේ තියෙන්නේ මොනවද කියල බලන්නත් මට උවමනාව තිබ්බට කොල්ලන්ගෙන් වගේ සැරකරල ඉල්ලන්නත් ටිකක් අමාරු හින්දා තවත් පැය කාලක් එහෙමම හිටියා. ඒකෙන් උනේ මගේ වැඩේ ලේසි වෙච්චි එකයි. ඉස්සරහ පේලියේ කෙල්ලන්ගේ අවධානය අහක‍ට වෙනකන් ඉඳලා මම බලාගත්තා කොලේ හංගපු තැන.

කල් යල් බලලා මම ප්‍රශ්නයකුත් බෝඩ් එකට දාලා අදාල තැනට ගිහින් අර පොත ඉල්ලුවා. ලෝකෙ තියෙන ඔක්කොම බොරුකියලා පොත නොදී ඉන්න හැදුවත් මම කොහොම හරි බලෙන්ම වගේ පොත අරගත්තා.

මෙන්න අර කොලේ තිබුණ දේ.

Boolean Algebra 
Alge bra
බ්‍රා

එච්චර විතරක් යැ මුන් ඒකෙ රූපෙකුත් ඇඳලා.

කොල්ලේටික කොච්චර හොඳද කියල හිත හිතා මම මගේ දම්රෝ පුටුවටම වෙලා පාඩම ඉවර වෙනකම්ම හිටියා.

-ගුරා-

Friday, October 19, 2012

උත්තර ලුහුබැඳීම-3පාඩම (කේරි විද්‍යාලයෙන් තවත් ප්‍රශ්නක්)

ගුරාගේ අද දවසේ උපදේශය වන්නේ "සාමාන්‍ය දැනීම භාවිතා කර ප්‍රශ්නයට ඔබ තේරූ උත්තරය තාර්කික ද නැත් ද යන්න සලකා බලන්න" කියනා එකයි.



උත්තර ලුහුබැඳීමේ කලාව (3 වන පාඩම)
උත්තර ලුහුබැඳීමේ කලාව යටතේ තුන්වැනි පාඩම තමයි මේ.  කේරි විද්‍යාලයේ ප්‍රශ්න පත්තරයෙන්ම මම තවත් ප්‍රශ්නයක් තෝරාගත්තා.

         A person has two options to go to the office; either by bus or car. Which of the following logical operation(s) correctly represents this scenario?

(1)  OR                        (2) XOR          (3) XNOR        (4) OR and NAND

ප්‍රශ්නය තේරුම් කලොත්,යම් පුද්ගලයෙකුට කාර්යාලයට පිටත්ව යාම සඳහා ක්‍රම දෙකක් තිබෙනවා. ඒ කාරයෙන් හෝ බසයෙන් යන දෙ ආකාරයයි. මෙම අවස්ථාව තාර්කික ද්වාර භාවිතයෙන් පෙන්වන්නේ නම් කුමන ද්වාරය/ද්වාර සාර්ථක වේද? 

දැන් සුපුරුදු පරිදි ඔයාලා හිතෙන් ගණන හදල උත්තරයක් ගන්න.


දැන් අපි බලමු ගත්තු උත්තරය හරි ද වැරදි ද කියලා. 
ගොඩාක් දෙනා උත්තරය ගනිද්දී මේ ප්‍රශ්නය තුලම ඇති either by bus or car කියන වචන කිහිපය දැකපු ගමන්ම තීරණට එනවා මේක OR Gate එකක්විය යුතුයි කියලා. එහෙම හිතන එක ඉතාම සාධාරණයි. OR ද්වාරයේ එක් පාදයක් “කාරය” ලෙසත් අනිත් පාදය “බසය” ලෙසත් ගත්තොත් පහසුවෙන් මේ වැඩේ කරගන්න පුලුවන් නේ. ඒත් එහෙමයි කියල උත්තරය OR ද්වාරය කියලා ගත‍්තොත් වැරදෙනවා.

ඇයි වැරදෙන්නේ? හේතුව දැනගන්න අයිටී කාරයෙක් හෝ තාර්කික ද්වාර ඉගෙන ගත්තු ඉංජිනේරුවෙක් වෙන්නම ඕනෙ නෑ. 


සාමාන්‍ය බුද්ධිය පාවිච්චි කළා නම් ඒ උත්තරය වැරදියි කියල තේරෙනවා.

“වාහන දෙකම ආවොත් කොහොමද එක මිනිහා වාහන දෙකක එක පාරට යන්නේ?” 


ඔන්න ඕක තමයි මේ ප්‍රශ්නේ තියෙන හොඳම පොයින්ට් එක. ළමයින්ව අමාරුවේ වට්ටන්න ඉතාම සූක්ෂම විදියට මේ ප්‍රශ්නය හදල තියෙනවා. පෞද්ගලිකව ගුරා නම් කැමතිම මේ වගේ අභියෝගාත්මක ප්‍රශ්න පත්තර වලට තමයි. ඕක නොතේරුන කෙනෙක්ට මේ ප්‍රශ්නයට උත්තරය නිවැරදිව හොයාගන්න බෑ. 

එහෙමනම්

  1.           වාහන දෙකම ආවොත් ද්වාරය විවෘත නොවී තියෙන්න ඕනේ
    2.       එක වාහනයක් පමණක් ආවිට ද්වාරය විවෘත වෙන්න ඕනේ
    3.       වාහන එකක්වත් නාවොත් ද්වාරය විවෘත වෙන්න ඕනෙ නෑ

දැන් එහෙනම් බලන්න අනිත් ද්වාර වලින් උත්තරය මොකක් ද කියලා.





උඩින් තියෙනා හැම ද්වාරයකින්ම A, B දෙකම බිංදුව ලෙස තිබියදීත් ප්‍රතිදානය 1 වශයෙන් නිකුත් වෙනවා. ඒකියන්නේ වාහන (කාරය හෝ බසය) දෙකෙන් එකක්වත් ආවේ නැතුවත් මේ පුද්ගලයාට කාර්යාලයට යන්න පුලුවන්. ඒවගේමයි වාහන දෙකම එකවර පැමිණියොත් එතනදීත් ගැටලුවක් ඇති වෙනවා.

දැන් XOR ද්වාරය සලකා බලන්න. 


ඉහත කිසිම ප්‍රශ්නයක් මෙහිදී ඇති වෙන්නේ නෑ. එසේනම් අපේ පිලිතුර විය යුත්තේ XOR ද්වාරය සහිත (2) පිලිතුරයි.

ගුරාගේ අද දවසේ උපදේශය වන්නේ “සාමාන්‍ය දැනීම ද භාවිතාකර ප්‍රශ්නය‍ට ඔබ තෝරන උත්තරය තාර්කික දැයි විමසා බලන්න” කියනා දෙයයි.

එහෙනම් අදට ඔච්චරයි.

ජයෙන් ජය ජයපිට ජය වේවා.
ජාලගුරා